Subscribe for ad free access & additional features for teachers. Authors: 267, Books: 3,607, Poems & Short Stories: 4,435, Forum Members: 71,154, Forum Posts: 1,238,602, Quizzes: 344

The Highland Lassie

Tune--"_The deuks dang o'er my daddy_!"

["The Highland Lassie" was Mary Campbell, whose too early death the
poet sung in strains that will endure while the language lasts. "She
was," says Burns, "a warm-hearted, charming young creature as ever
blessed a man with generous love."]

I.

Nae gentle dames, tho' e'er sae fair,
Shall ever be my muse's care:
Their titles a' are empty show;
Gie me my Highland lassie, O.
Within the glen sae bushy, O,
Aboon the plains sae rushy, O,
I set me down wi' right good-will,
To sing my Highland lassie, O.

II.

Oh, were yon hills and valleys mine,
Yon palace and yon gardens fine,
The world then the love should know
I bear my Highland lassie, O.

III.

But fickle fortune frowns on me,
And I maun cross the raging sea;
But while my crimson currents flow,
I'll love my Highland lassie, O.

IV.

Altho' thro' foreign climes I range,
I know her heart will never change,
For her bosom burns with honour's glow,
My faithful Highland lassie, O.

V.

For her I'll dare the billows' roar,
For her I'll trace a distant shore,
That Indian wealth may lustre throw
Around my Highland lassie, O.

VI.

She has my heart, she has my hand,
by sacred truth and honour's band!
'Till the mortal stroke shall lay me low,
I'm thine, my Highland lassie, O.
Farewell the glen sae bushy, O!
Farewell the plain sae rushy, O!
To other lands I now must go,
To sing my Highland lassie, O.



Robert Burns


Poetry