Poems & Short Stories: 4,271
Forum Members: 70,634
Forum Posts: 1,033,546
And over 2 million unique readers monthly!
The wind may blaw the lee-gang way
And aye the lift be mirk an' gray,
An deep the moss and steigh the brae
Where a' maun gang--
There's still an hoor in ilka day
For luve and sang.
And canty hearts are strangely steeled.
By some dikeside they'll find a bield,
Some couthy neuk by muir or field
They're sure to hit,
Where, frae the blatherin' wind concealed,
They'll rest a bit.
An' weel for them if kindly fate
Send ower the hills to them a mate;
They'll crack a while o' kirk an' State,
O' yowes an' rain:
An' when it's time to take the gate,
Tak' ilk his ain.
- Sic neuk beside the southern sea
I soucht--sic place o' quiet lee
Frae a' the winds o' life. To me,
Fate, rarely fair,
Had set a freendly company
To meet me there.
Kindly by them they gart me sit,
An' blythe was I to bide a bit.
Licht as o' some hame fireside lit
My life for me.
- Ower early maun I rise an' quit
This happy lee.
TO MADAME GARSCHINE
What is the face, the fairest face, till Care,
Till Care the graver--Care with cunning hand,
Etches content thereon and makes it fair,
Or constancy, and love, and makes it grand?
|Art of Worldly Wisdom Daily|
In the 1600s, Balthasar Gracian, a jesuit priest wrote 300 aphorisms on living life called "The Art of Worldly Wisdom." Join our newsletter below and read them all, one at a time.
Shakespeare wrote over 150 sonnets! Join our Sonnet-A-Day Newsletter and read them all, one at a time.