Poems & Short Stories: 4,271
Forum Members: 70,634
Forum Posts: 1,033,546
And over 2 million unique readers monthly!
Whare are you gaun, my bonie lass,
Whare are you gaun, my hinnie?
She answered me right saucilie,
"An errand for my minnie."
O whare live ye, my bonie lass,
O whare live ye, my hinnie?
"By yon burnside, gin ye maun ken,
In a wee house wi' my minnie."
But I foor up the glen at e'en.
To see my bonie lassie;
And lang before the grey morn cam,
She was na hauf sae saucie.
O weary fa' the waukrife cock,
And the foumart lay his crawin!
He wauken'd the auld wife frae her sleep,
A wee blink or the dawin.
An angry wife I wat she raise,
And o'er the bed she brocht her;
And wi' a meikle hazel rung
She made her a weel-pay'd dochter.
O fare thee weel, my bonie lass,
O fare thee well, my hinnie!
Thou art a gay an' a bonnie lass,
But thou has a waukrife minnie.
|Art of Worldly Wisdom Daily|
In the 1600s, Balthasar Gracian, a jesuit priest wrote 300 aphorisms on living life called "The Art of Worldly Wisdom." Join our newsletter below and read them all, one at a time.
Shakespeare wrote over 150 sonnets! Join our Sonnet-A-Day Newsletter and read them all, one at a time.